info@conservatoire.kz

Консерватория жаңалықтары

Студентіміз «Абай Құнанбайұлы» төсбелгісімен марапатталды!
Студентіміз «Абай Құнанбайұлы» төсбелгісімен марапатталды!
Консерваториямыздың «Фортепиано» мамандығы бойынша профессор Светлана Александровна Массовердің класында тәлім алып жатқан студентіміз, халықаралық және республикалық байқаулардың лауреаты, «Үздік студент» төсбелгісінің иегері Ғимарат Ерназар Ғабитұлы Абай Құнанбайұлының 175 жылдығына орай білім беру ұйымдарының педагогтары мен оқушылары арасында өткен «Абай мұрасы – Қазақтың қасиетті қазынасы» атты халықаралық байқауында Білім және ғылым саласына қосқан айрықша еңбегі және Абай мұрасына деген құрметі үшін I дәрежелі диплом иеленіп, жеңімпаз атанып, «Абай Құнанбайұлы» төсбелгісімен марапатталды.
28 шілде 2020
Консерватория басшылығы бүгін Қазақстан Республикасындағы Жалпыұлттық аза тұту күніне байланысты бір минуттық үнсіздік рәсімін өткізді.
Консерватория басшылығы бүгін Қазақстан Республикасындағы Жалпыұлттық аза тұту күніне байланысты бір минуттық үнсіздік рәсімін өткізді.
Құрманғазы атындағы Қазақ ұлттық консерваториясы басшылығы бүгін 2020 жылдың 13-шілдесіндегі Қазақстан Республикасындағы Жалпыұлттық аза тұту күніне байланысты бір минуттық үнсіздік рәсімін өткізді.

13 шілде 2020
Консерваторияда алғашқы шығармашылық емтихандар өтті
Консерваторияда алғашқы шығармашылық емтихандар өтті
Қазақстан Республикасы Білім және ғылым министрлігнің 2018 жылғы 31 қазанындағы № 600 бұйрығына сәйкес  «Жоғары және жоғары оқу орнынан кейінгі білім берудің бағдарламаларын іске асыратын білім беру ұйымдарының қағидалардын бекіту туралы».

Бүгін Құрманғазы атындағы Қазақ ұлттық консерваториясында шығармашылық емтихандар басталды. Биыл елдегі күрделі санитарлық-эпидемиологиялық жағдайға байланысты консерваторияға түсу емтихандары алғаш рет қашықтық (online) форматта өткізілуде.

Шығармашылық емтиханның алғашқы күні талапкерлер «Аспаптық орындаушылық (фортепиано, ішекті аспаптар, классикалық гитара)», «Музыкатану», «Композиция», «Вокал өнері» және «Арт-менеджмент» мамандықтары бойынша бақтарын сынады. «Арт-менеджмент» мамандығы бойынша мемлекеттік грантқа үміткерлердің саны көп болуына байланысты, осы білім беру бағдарламасындағы алғашқы шығармашылық емтихан ертең жалғасын табады.

Шығармашылық емтихан нәтижелері туралы ақпарат бүгін сағат 19:00-ден кейін консерватория сайтының «Қабылдау 2020» бөлімінде жарияланады. Апелляциялық өтініштер келесі күні сағат 13-00-ге дейін t.exams2020@mail.ru электронды поштасы арқылы қабылданады.


8 шілде 2020
2020-2021 оқу жылына арналған Батырхан Шөкенов атындағы стипендия
2020-2021 оқу жылына арналған Батырхан Шөкенов атындағы стипендия
Құрманғазы атындағы Қазақ ұлттық консерваториясының студенттері!  Батырхан Шөкенов атындағы Қоғамдық қор Болат Өтемұратов Қорының қолдауымен 2020-2021 оқу жылына студенттерге арналған Батырхан Шөкенов атындағы стипендия жариялады.
Стипендиядан тек төмендегі аспаптар топтары (санаттары) бойынша оқитын студенттер үміттене алады:
Ағаш үрмелі музыкалық аспаптар:
•    гобой
•    кларнет
•    саксофон
•    фагот
•    флейта
Мыс үрмелі музыкалық аспаптар:
•    валторна
•    тромбон
•    керней
•    туба
Жоғары оқу орындары үшін бір стипендиатқа 500 000 теңге мөлшеріндегі төрт стипендия беріледі.
Стипендия туралы толық ақпарат және өтініш жіберу https://batyr.foundation/kk/our-project/stipendiya-2 сілтемесі бойынша.
10 маусым 2020
ҚР Мемлекеттік рәміздер күні құтты болсын!
ҚР Мемлекеттік рәміздер күні құтты болсын!

Ардақты Қазақ елі! Сіздерді 4 маусым – Қазақстан Республикасының Мемлекеттік рәміздері күнімен шын жүректен құттықтаймыз! Бұл күн еліміздің әрбір азаматы үшін аса қымбат. Көк байрағымыз, елтаңбамыз және әнұранымыз – сонау ғасырлар қойнауынан сыр шертер тағылымды тарихымыздың шынайы көрінісі. Оның мазмұнды нышандары кешегі өткенімізді айшықтап, ертеңгі мақсатымызды айқындап тұр. Әрдайым қасиетті топырағымызда тыныш заман болып, халқымыз аман, туымыздың мәртебесі биік болғай!

Құрметпен,

Құрманғазы атындағы

Қазақ ұлттық консерваториясының ұжымы


 
4 маусым 2020
Арман Әділханұлы Мәдениет және өнер қызметкерлері күніне орай Құрманғазы атындағы Қазақ ұлттық консерваториясының бірқатар қызметкерлерін марапаттады
Арман Әділханұлы Мәдениет және өнер қызметкерлері күніне орай Құрманғазы атындағы Қазақ ұлттық консерваториясының бірқатар қызметкерлерін марапаттады
Бүгін 21 Мамыр - Мәдениет және өнер қызметкерлері күніне орай Құрманғазы атындағы Қазақ ұлттық консерваториясының бірқатар қызметкерлері "Мәдениет саласының үздігі" төсбелгісімен және Қазақстан Республикасы Мәдениет және спорт министрінің Құрмет Грамотасы және Алғыс хаттарымен марапатталды. Марапаттарды консерватория ректоры Арман Әділханұлы Жүдебаев табыстады.

«Ішекті аспаптар» кафедрасының доценті Айжан Джулмухамедова мен «Домбыра» кафедрасының аға оқытушысы Салтанат Құдайбергенова «Мәдениет саласының үздігі» төсбелгісінің иегерлері атанса, Мәдениет және өнер саласында атқарған ұзақ жылғы абыройлы еңбегі мен өскелең ұрпаққа еліміздің тарихи құндылықтарын сақтап, саланы дамытуға қосқан елеулі үлесі үшін «Әлеуметтік-гуманитарлық пәндер» кафедрасының доценті Шырын Аманжолова, «Вокалдық өнер» кафедрасының аға оқытушысы Адалят Юсупова, «Музыкатану және композиция» кафедрасының доценті Ғалия Қалымова Құрмет Грамоталарымен, ал «Қаржы-экономикалық» бөлімінің меңгерушісі, бас есепшіміз Гүлнара Қасымова, «Қобыз және баян» кафедрасының аға оқытушысы Балжан Жүнісова 21 Мамыр - Мәдениет және өнер қызметкерлері күніне орай және еліміздің әлеуметтік-мәдени саласында атқарған ұзақ жылғы абыройлы еңбегі мен өскелең ұрпаққа еліміздің тарихи құндылықтарын сақтап, саланы дамытуға қосқан елеулі үлесі үшін Алғыс хаттарымен марапатталды.

Әріптестерімізді бүгінгі мерекелерімен және қуанышты марапаттарымен шын жүректен құттықтаймыз.
21 мамыр 2020
ТАЛАПКЕРЛЕР НАЗАРЫНА! «ОНЛАЙН АШЫҚ ЕСІК КҮНДЕРІ»
ТАЛАПКЕРЛЕР НАЗАРЫНА! «ОНЛАЙН АШЫҚ ЕСІК КҮНДЕРІ»
Құрметті талапкерлер, Құрманғазы атындағы Қазақ ұлттық консерваториясы сіздер үшін Фэйсбук әлеуметтік желісінде «Онлайн ашық есік күндерін» өткізбек. Төрт факультетке қарасты мамандықтар бойынша барлық сұрақтарға факультет декандары жауап береді. Өтетін уақыты мен парақша атауларын төмендегі афишалардан қараңыздар.
17 мамыр 2020
Отан қорғаушылар күні құтты болсын!
Отан  қорғаушылар күні құтты болсын!
Отан  қорғаушылар күні құтты болсын!
7 мамыр 2020
Ректор Арман Жүдебаев пен теле-радио жүргізуші Қымбат Досжан онлайн-сұхбат өткізбек
Ректор Арман Жүдебаев пен теле-радио жүргізуші Қымбат Досжан онлайн-сұхбат өткізбек
2020 жылдың 8 мамырында Құрманғазы атындағы Қазақ ұлттық консерваториясының ректоры,  ҚР еңбек сіңірген қайраткері Арман Жүдебаев инстаграм желісінде тікелей эфирде онлайн-сұхбат береді. Сұхбатты Қазақ Радиосының бас редакторы, танымал теле-радио жүргізуші Қымбат Досжан. Әңгіме жаңа оқу жылына талапкерлерді қабылдау тақырыбына арналмақ.
5 мамыр 2020