афиша

Консерватория жаңалықтары

«Ханшайым мен Ханзада 2020» жұп сайысы
«Ханшайым мен Ханзада 2020» жұп сайысы
2020 жылдың 20-ақпан күні  Құрманғазы атындағы Қазақ ұлттық консерваториясы «Музыкалық білім беру және психология» кафедрасының 3 курс студенттері мен аға оқытушысы Шабденова Дария Рахымәліқызының жетекшілігімен «Рухани жаңғыру» бағдарламасы шеңберінде, өндірістік практика мен «Музыкалық ағартушылық негіздері» пәні аясында «Ханшайым мен Ханзада 2020»  атты ең үздік жұп сайысы өткізілді. Бұл іс-шарада жоғары оқу орындары арасындағы ғылыми, музыкалық-ағартушылық бағыттағы білімдерін ортаға салып, өз өнерлерін көрсетуден 6 жұп сынға түсті. Байқауға Абай атындағы Қазақ Ұлттық педагогикалық университетінің, Қазақ Ұлттық қыздар педагогикалық университетінің, Әл-Фараби атындағы Қазақ ұлттық университеті колледжінің, Өнер, мәдениет және спорт институтының, Қазақ бас сәулет-құрылыс академиясының, Bittle production academia оқу орталығының және Құрманғазы атындағы Қазақ ұлттық консерваториясының студенттері қатысты. Бұл сайыстың мақсаты – студенттердің өндірістік практика мен «Музыкалық ағартушылық негіздері»  пәні аясындағы болашақ музыка пәні оқытушысының сабақтан тыс жобалық тәжірибелік жұмыстарын көрсету. ЖОО арасындағы ізгі байланысты орнатып, студенттердің бір-біріне деген достық қарым-қатынастарын нығайту.
Байқауға қатысқан үміткерлер:
1 жұп: Слямгалиев Дәуірбек  және Серғазина Назерке  (Абай атындағы ҚазҰПУ) – 3 дәрежелі Диплом;
2 жұп: Амангелдиев Руслан  және Батырбекова Ұлпан (Абай атындағы ҚазҰПУ) – 1 дәрежелі Диплом;
3 жұп: Көкенов Ерасыл (Қазақ бас сәулет-құрылыс академиясы) және Рахымбердиева Айшолпан (ҚазҰҚПУ) – 2 дәрежелі Диплом;
4 жұп: Темен Алишер (bittle prodaction academia)  және Отунчи Шахизада  (Құрманғазы ат. ҚҰК)  – 2 дәрежелі Диплом;
5 жұп: Көпбаев Әділет (Құрманғазы ат. ҚҰК) және Асылбек Гулім  (Құрманғазы ат. ҚҰК) – Гран-При;
6 жұп: Бөжеев Ерлан және Ережеп Ғазиза (Әл-Фараби атындағы Қазақ ұлттық университетінің колледжі ) – 3 дәрежелі Диплом.

Байқау өте қызықты, тартысты өтті. Қатысушылар жиналған қонақтарға көтеріңкі көңіл-күй сыйлап, өнерлерімен тамсандырды. Байқау «Таныстыру», «Атадан мұра, әжемнен өнеге», «Сұрақ-жауап», «Өнерің өрге жүзсін», «Актерлік шеберлік»  тәрізді кезеңдер бойынша өткізілді. Таныстыру кезеңінде үміткерлер өздерін әнмен, сахналық көріністерімен  көрсете білді. Жастарға ерекше ұнағаны «Өнерің өрге жүзсін» сайысы.  Бұл кезеңде үміткерлеріміз бойларындағы бар өнерлерін  көрермендер назарына ұсынды. «Актерлік шеберлік» сайысында да студенттеріміз өздерінің сегіз қырлы бір сырлы екенін дәлелдеді.
Байқауға төрелік еткен қазылар құрамы:
Қазылар алқасының төрайымы:
-    Құрманғазы атындағы ҚҰК «Музыкалық білім және психология» кафедрасының меңгерушісі, педагогика ғылымдарының кандидаты (PhD), өнертану ғылымының профессоры – Қалиақпарова Ләйлә Төкенқызы;
Қазылар алқасы мүшелері:
-    Қазақ Ұлттық Қыздар Педагогикалық университетінің профессоры, өнертану ғылымдарының доценті, «Хорды  дирижерлау және вокал» кафедрасының меңгерушісі – Бурунчин Мұрат Мінайдарұлы;  
-    Абай атындағы Қазақ Ұлттық педагогикалық университетінің оқытушысы – Құлданов Наурыз Талғатұлы;
-    Құрманғазы атындағы Қазақ ұлттық консерваториясы «Музыкалық білім беру және психология» кафедрасының аға оқытушысы, жоба жетекшісі, ұйымдастыру комитетінің төрағасы, педагогика ғылымдарының магистрі – Шабденова Дария Рахымәліқызы;
-    «Музыкалық білім беру және психология» кафедрасының  оқытушысы, PHD докторы – Қалдаяқова Айсұлу Әбілқасымқызы;
-    «Әлеуметтік және гуманитарлық пәндер»  кафедрасының оқытушысы – Дандагариев Қаршыға Хамзаұлы;
-    Алматы қаласы №148 гимназиясының музыка пәні оқытушысы – Чыкабаева Дана Бақбергенқызы.
Жеңімпаздар арнайы сыйлықтармен марапатталды. Жұптар сайысы жиналған көптің және қазылар алқасының көңілінен шығып,  жоғары деңгейде өтті.

Шабденова Дария Рахымәліқызы,
Жобаның авторы және
жетекшісі, педагогикалық ғалымдарының
магистрі, аға оқытушы


21 ақпан 2020
Әнші-актриса Айгүл Иманбаевамен кездесу өтті
Әнші-актриса Айгүл Иманбаевамен кездесу өтті
2020 жылдың 19 ақпанында  Құрманғазы атындағы Қазақ Ұлттық Консерваториясында "Арт-менеджмент" кафедрасының, 1 курс студенттерінің ұйымдастыруымен, "Б" корпусы,216 аудиоторияда кездесу кеші өтті.Кеш қонағы Қазақстан эстрада әншісі, актриса,Қазақстанның еңбек сіңірген қайраткері, "Дарын" мемлекеттік жастар сыйлығының иегері - Айгүл Иманбаева болды.
Кездесуде,студенттер өздерінің көкейінде жүрген сұрақтарын қойып,қанағаттанарлық жауаптарын алды.Өз кезегінде, Айгүл Иманбаева, сұрақтарға жауап беріп,өнер жайлы,менеджмент,маркетинг,продюсерлік мамандықтарының қыр-сырын ашып, өзінің өмірлік тәжірибесімен бөлісті. Кездесуден консерватория студенттері, керемет әсер алды.
20 ақпан 2020
«Жас ғалымдардың сөзі: өнертанудың өзекті мәселелері» атты II Республикалық магистрлік оқулары өтті
«Жас ғалымдардың сөзі: өнертанудың өзекті мәселелері» атты II Республикалық магистрлік оқулары өтті
2020 жылдың 19 ақпанында Құрманғазы атындағы Қазақ ұлттық консерваториясында Абай Құнанбайұлының 175 жылдық мерейтойына арналған «Жас ғалымдардың сөзі: өнертанудың өзекті мәселелері» атты II Республикалық магистрлік оқулары өтті.
Осымен екінші жыл қатарынан ұйымдастырылған бұл шараның негізгі мақсаты магистрлік зерттеу материалдарының өзектілігін тексеру, жұмыстардың теориялық және практикалық нәтижелерінің ғылыми тұжырымдамасын жасау, заманауи ғылыми ақпараттармен бөлісу.
Қатысушылар жоғары оқу орындарының шығармашылық мамандықтарында ізденіп жүрген жас ғалымдар.
Магистрлік оқуларының қорытындысы бойынша қатысушыларға әртүрлі номанациялар бойынша дипломдар мен сертификаттар табысталды. Диплом иелерін  қазылар алқасы анықтады.

Қазылар алқасы:
Төраға – Бердібай А.Р. - «Музыкатану және композиция» кафедрасының доценті, PhD;

1. Қайырбекова Ә.Ғ. - «Әлеуметтік-гуманитарлық пәндер» кафедрасының меңгерушісі, ф.ғ.д., доцент;

Бұлтбаева А.З. - «Музыкатану және композиция» кафедрасының доценті (ЖАК), ө.к.;

Байбосынова Ұ. М. - «Халық әні» кафедрасының оқытушысы, ҚР Еңбек Сіңірген қайраткері, Францияның әдебиет және өнер орденінің иегері, жырау, ф. ғ. к.;

Тілеубергенов А.А. - «Фортепиано» кафедрасының доценті, PhD, ҚР еңбек сіңірген қайраткері;

Мылтықбаева М. Ш. - «Музыкатану және композиция» кафедрасының доценті, ө.ғ.к.;

Жәменкеев Е.Е. -  «Халық музыкасы» факультетінің деканы, PhD.

19 ақпан 2020
«Аспаптық орындаушылық» факультетінің 2-3 курс студенттері академиялық ұтқырлық бағдарламасы аясында оқуға жіберілді
«Аспаптық орындаушылық» факультетінің 2-3  курс студенттері академиялық ұтқырлық бағдарламасы аясында оқуға жіберілді
2020 ж. 07.01.- 15.06. аралығында  «Аспаптық орындаушылық» факультетінің 2-3  курс студенттері  Белгібаев Шыңғыс пен Омар Ақниет   академиялық ұтқырлық бағдарламасы аясында  Берген Университетіне (Норвегия) оқуға жіберілді. Бұл  «Музыка және орындаушылық саласындағы Еуразиялық ғылыми-зерттеу қауымдастығы/Music and Artistic Research Knowledge Network Eurasia CPEA-LT-2016/10082» халықаралық жоба негізінде жүзеге асырылады.

14 ақпан 2020
Студенттеріміз Польшаның Вроцлов қаласынан оралды
Студенттеріміз Польшаның Вроцлов қаласынан оралды
Таяуда академиялық ұтқырлық аясында «Аспаптық орындаушылық», «Музыкатану, арт-менеджмент, әлеуметтік және гуманитарлық пәндер» факультеттерінің 2-3 курс студенттері К. Липинский атындағы Музыкалық академиясынан (Вроцлав қ-сы, Польша) бір семестр көлеміндегі оқуын аяқтап елге оралды.
14 ақпан 2020
«Діни экстремизм мен терроризмнің алдын алу» тақырыбында кездесу сағаты өтті
«Діни экстремизм мен терроризмнің алдын алу» тақырыбында кездесу сағаты өтті
Құрманғазы атындағы Қазақ ұлттық консерваториясының 2019-2020 оқу жылына арналған тәрбие жұмысының жоспарына сәйкес, 2020 жылдың 12 ақпанында консерваторияның кіші залында «Діни экстремизм мен терроризмнің алдын алу» тақырыбында Терроризмге қарсы дайындық орталығының қызметкері, дінтанушы Шоманов Болат Шаймолдаұлының консерватория студенттерімен кездесу сағаты өтті.  Кездесу барысында  студенттерге діни экстремизм мен терроризмнің мағынасы түсіндіріліп, заңсыз  діни ұйымдар туралы кеңінен мағлұмат берілді. Ұйымдастырушылардың айтуы бойынша бұл кездесудің негізгі мақсаты студенттерге қоғамның әлеуметтік, құқықтық, діни сипаттарын ұғындыра отырып, оларды террорлық, лаңкестік және діни экстремистік бағытта арандатуға жол бермеу,  қоғамға жат қылық - лаңкестіктен аулақ болу керектігін, бейбітшіліктің маңызын түсіндіру.
14 ақпан 2020
GREBENNIKON ЭЛЕКТРОНДЫҚ КІТАПХАНАСЫН ТЕГІН ПАЙДАЛАНЫҢЫЗ
GREBENNIKON ЭЛЕКТРОНДЫҚ КІТАПХАНАСЫН ТЕГІН ПАЙДАЛАНЫҢЫЗ
2020 жылдың 12 ақпанында консерватория кітапханасының оқу залында «Электрондық кітапхананың мүмкіндіктер жүйесі: мазмұны, қызмет көрсету стратегиясы, дамудың негізгі перспективалары» тақырыбында «Гребенников» баспасының директоры Аркадий Халюковтың қатысуымен семинар өтті.
Мәскеулік қонағымыз Құрманғазы атындағы Қазақ ұлттық консерваториясының ұстаздары мен студенттеріне 31 НАУРЫЗҒА ДЕЙІН мына сілтеме бойынша http://grebennikon.ru GREBENNIKON ЭЛЕКТРОНДЫҚ КІТАПХАНАСЫНА тестік режимде тегін кіріп, мақалалар мен бейнематериалдарды көру мүмкіндігін жасап отыр.
«Гребенников» баспасы маркетинг, менеджмент, қаржылық менеджмент және персоналды басқару бойынша журналдар мен кітаптар шығарады.
Құрметті ұстаздар қауымы және студенттер! Осындай мүмкіндікті жіберіп алмай, өздеріңізге керек ақпаратты алуға асығыңыздар.
Құрманғазы атындағы ҚҰК кітапханасы
e-mail: nibs_lib@mail.ru,
тел.+7 (727) 272 55 01, (114)
13 ақпан 2020
Enactus Kazakhstan National EXPO 2020 студенттік кәсіпкерліктің Ұлттық кубогы өтпек
Enactus Kazakhstan National EXPO 2020 студенттік кәсіпкерліктің Ұлттық кубогы өтпек
Enactus Халықаралық ұйымының Қазақстандағы «Enactus Kazakhstan» Ұлттық кеңсесі 2020 жылдың 8-9 сәуірінде Нұр-Сұлтан қаласында жыл сайынғы студенттік кәсіпкерлік, стартап және инновация Enactus Kazakhstan National EXPO 2020 Ұлттық кубогы өтетінін хабарлайды.
14 ақпан 2020
Хәкім Абайдың 175 жылдығына арналған Ғалымжан Нарымбетовтың жеке концерті өтті
Хәкім Абайдың 175 жылдығына арналған Ғалымжан Нарымбетовтың жеке концерті өтті
2020 жылдың 11 ақпанында Құрманғазы атындағы Қазақ ұлттық консерваториясының Үлкен концерт залында Хәкім Абайдың 175 жылдығына арналған Халықаралық және Республикалық байқаулардың лауреаты, консерваториямыздың ұстазы Ғалымжан Нарымбетовтың жеке концерті өтті.  
Концерт залында ине шаншар орын болған жоқ. Бұл кешке жиналған көпшілік қазақстандық және шетел композиторларының ең үздік шығармаларын тыңдады. Олардың ішінде А. Құнанбаев, Ықылас, И.С.Бах, В. Черников, П. Макконен, В. Семенов, А. Жайым, А. Пьяцолла, В. Гридин, А. Шалаев, Р. Гальяно және т.б. туындылары бар.
Әлемдегі мәдени-рухани жаңалықтар, өнердегі шоу-эксперимент мына біздің ұлы даладан тарағандай көрінеді. Кез келген жиын-той, мерекені ән-күйсіз елестету мүмкін емес. Бұл кеште көрермендердің есінде қалған ерекше дүниелердің бірі - Күй тартыс. Біз осыған дейін домбыраның, қобыздың күй тартысына қанық болып жүргеніміз рас. Ал Ғалымжан Нарымбетов (баян), Алмат Сайжан (қыл қобыз), Таңат Сәденов (домбыра), Арман Жайымның (фортепиано) орындауындағы «Күй тартысы» көпшіліктің есінде қалары сөзсіз. Концерт соңында көрермен қауым өнерпаздың өнерін жоғары бағалап, зор қошеметке бөледі.
Біз өз кезегімізде әріптесімізге зор денсаулық және шығармашылық табыс тілейміз.

12 ақпан 2020