афиша

Консерватория жаңалықтары

Жиенбай Жырау Дүзбенбетұлының 155 жылдығына арналған «Жыр иесі – ЖИЕНБАЙ» атты концерт өтті
Жиенбай Жырау Дүзбенбетұлының 155 жылдығына арналған «Жыр иесі – ЖИЕНБАЙ» атты концерт өтті
Ағымдағы жылдың 17 қазан күні Құрманғазы атындағы Қазақ ұлттық консерваториясының Үлкен концерт залында  «Халық әні» кафедрасының ұйымдастыруымен, Сыр өңірі жыраулық мектебінің үлкен тармағы – Жиенбай мектебінің негізін қалаушы Жиенбай Жырау Дүзбенбетұлының 155 жылдығына арналған «Жыр иесі – ЖИЕНБАЙ» атты концерт өтті.
Жыр кешіне елімізге танымал жыраулар Бидас Рустембеков, Арнұр Көшенеев, Берік Саймағамбетов, Ұлжан Байбосыноваларға қоса туыстас өзбек елінің халық бахшылары Әбдіназар Поянов, Мұхаммад Ешбоев, Қарақалпақстандық Гүлнар Алламбергенова мен Гүләйім Өтешова және Башқұртстаннан келген қонағымыз  Ильгам Байбулдиндер қатысты. Сонымен қатар Тұрар Айдос, Әлішер Мырзағалиев, Ерсейіт Әлиев сынды текті өнер иелері де бар.
Бабалардан қалған жүйелі сөзді жеткізіп, халқымызды рухани сусындатып жүрген өнерпаздар консерватория ректоры Арман Жүдебаевтың атынан алғыс хаттармен марапатталды!
18 қазан 2019
Консерваториямыздың магистранттары ғылыми-зерттеу жұмыстары аясында Әзірбайжан ұлттық консерваториясына аттанды
Консерваториямыздың магистранттары ғылыми-зерттеу жұмыстары аясында Әзірбайжан ұлттық консерваториясына аттанды
Құрманғазы атындағы Қазақ ұлттық консерваториясының магистранттары ғылыми-зерттеу жұмыстары аясында Баку қаласындағы Әзірбайжан ұлттық консерваториясына ғылыми тағылымдамаға аттанды. Қазан айының 16-26 күндері аралығында шетелдік ғылыми тәжірибеден өтуге жіберілгендер қатарында «Музыкатану» мамандығының магистранты Ш. Мұхамбетжанов, «Дәстүрлі музыкалық өнер» мамандығының магистранттар ы А. Абылсерік, Ф. Амантаева, А. Жұмабаев, А. Шынаров, Қ. Әмірхановтар бар.
16 қазан 2019
Құрманғазы атындағы Қазақ ұлттық консерваториясының студенттері Польшаның Вроцлав қаласындағы К.Липинский атындағы Музыкалық академиясына білім алуға жіберілді
Құрманғазы атындағы Қазақ ұлттық консерваториясының студенттері Польшаның Вроцлав қаласындағы К.Липинский атындағы Музыкалық академиясына білім алуға жіберілді
Құрманғазы атындағы Қазақ ұлттық консерваториясы  «Аспаптық орындаушылық» факультетінің «Ішекті аспаптар» мамандығы бойынша 2 курс студенті А.Суният, «Фортепиано» мамандығы бойынша 3 курс студенттері Н.Малюхов, С.Балтабай, Ш.Қабенова, Г.Кеңесова, А.Омарова, және «Музыкатану, арт-менеджмент, әлеуметтік және гуманитарлық пәндер» факультетінің «Композиция» мамандығы бойынша 3 курс студенттері И.Жаңабаева және А.Байбағысова академиялық ұтқырлық шеңберінде Польшаның Вроцлав қаласындағы К.Липинский атындағы Музыкалық академиясына 2019 жылдың 13-қазаны мен 2020 жылдың 12-ақпаны аралығында семестрлік білім алуға оқуға жіберілді.
14 қазан 2019
Құрманғазы атындағы Қазақ ұлттық консерваториясы мен П.И.Чайковский атындағы Мәскеу мемлекеттік консерваториясы арасында өзара ынтымақтастық меморандумы жасалды
Құрманғазы атындағы Қазақ ұлттық консерваториясы мен П.И.Чайковский атындағы Мәскеу мемлекеттік консерваториясы арасында өзара ынтымақтастық меморандумы жасалды
ҚР Мәдениет және спорт министрлігінің ұйымдастыруымен Мәскеуде өтіп жатқан этнограф-ғалым А.Затаевичтің 150 жылдығына арналған ауқымды шара аясында, Құрманғазы атындағы Қазақ ұлттық консерваториясы мен П.И.Чайковский атындағы Мәскеу мемлекеттік консерваториясы арасында өзара ынтымақтастық меморандумы жасалып, қос шаңырақ басшылары Арман Жүдебаев пен Александр Соколов маңызды құжатқа қол қойды. Бұл құжат екі ел арасындағы мәдени байланыстың нығаюына зор үлес қоспақ.
12 қазан 2019
Мәскеу қаласында өткен А.В Затаевичтің 150 жылдығын мерекелеу аясында Халықаралық ғылыми конференциясының жұмыстары өз мәресіне жетті
Мәскеу қаласында өткен А.В Затаевичтің 150 жылдығын мерекелеу аясында Халықаралық ғылыми конференциясының жұмыстары өз мәресіне жетті
2019 жылғы 9-12 қазан аралығында Мәскеу қаласында ҚР Мәдениет және спорт министрлігіның ұйымдастыруымен өткен белгілі этнограф, қазақстандық музыкатану және композиторлық мектептің негізін қалаушылардың бірі Александр Викторович Затаевичтің 150 жылдығын мерекелеу аясында Халықаралық ғылыми конференциясының жұмыстары өз мәресіне жетті.
Конференция аясында дәстүрлі музыка майталмандары шеберлік сыныптарын өткізіп, консерваториямыздың ғалым-ұстаздары дайындаған А. В. Затаевич еңбектері жинағының тұсаукесері жасалды. Ауқымды шараның соңғы күні Гнесиндер атындағы Ресей музыка академиясының Үлкен концерттік залында Н. Тілендиев атындағы «Отырар сазы» академиялық фольклорлы-этнографиялық оркестрі, Жамбыл атындағы Қазақ мемлекеттік филармониясының солистері, Құрманғазы атындағы Қазақ ұлттық консерваториясының профессоры Айгүл Үлкенбаева және консерваториямыздың дарынды студенттерінен құралған жетігеншілер ансамблі қатысқан концерт өтті. Жиналған көпшілік қатысушылардың өнеріне риза болып, мерекелік концерт соңында артистерге зор қошемет көрсетті.
14 қазан 2019
«Ән қайнары – Кең Жылыой» Республикалық дәстүрлі әншілер байқауы өтті
«Ән қайнары – Кең Жылыой» Республикалық дәстүрлі әншілер байқауы өтті
Ағымдағы жылы Атырау облысы, Жылыой ауданының орталығы Құлсары қаласында  Елбасының «Рухани жаңғыру» бағдарламасы аясында ұйымдастырыған «Ән қайнары – Кең Жылыой» Республикалық дәстүрлі әншілер байқауы өтті. Аталмыш байқауда «Халық әні» кафедрасының 4 курс студенті Болатбек Құбашев жүлделі 2 орынды иеленсе, 2 курс студенті Байбақты Ідірбай  байқау дипломанты атанды. Жүлдегер студенттеріміздің ұстазы «Халық әні» кафедрасының аға оқытушысы - Қарабалина Эльза Жеңісқызы. Консерватория ұжымы Эльза Жеңісқызын және жеңімпаз студенттерімізді  құттықтап, шығармашылық табыс тілейді.
10 қазан 2019
Консерватория ұжымы Нүркен Әшіровты жаңа қызметімен құттықтады
Консерватория ұжымы Нүркен Әшіровты жаңа қызметімен құттықтады
Бүгін Құрманғазы атындағы Қазақ ұлттық консерваториясының ректоры Арман Жүдебаев пен факультет декандары, кафедра меңгерушілері және «Халық музыкасы» факультетінің бірқатар ұстаздары Нүркен Әшіровты жаңа қызметімен құттықтады. Жиынды ректор құттықтау сөзімен бастап, Нүркен Нұрғалиұлына "Алғыс хат" тапсырып, жаңа жұмысына сәттілік тіледі. Сондай-ақ «Қобыз және баян» кафедрасының меңгерушісі Базархан Қосбасаров,  «Халық әні» кафедрасының меңгерушісі Аманкелді Күзеубай, «Домбыра» кафедрасының меңгерушісі Төлепберген Тоқжанов  және жиналған ұстаздар қауымы әріптестерін құттықтап,  жаңа қызметін абыроймен атқаратынына үлкен сенім білдірді.
  Айта кетейік, 2019 жылдың 8 қазан күні Қазақстан Республикасының Мәдениет және спорт министрі Ақтоты Рахметоллақызы Райымқұлованың бұйрығымен Әшіров Нүркен Нұрғалиұлы ҚР Мәдениет және спорт министрлігінің «Ахмет Жұбанов атындағы дарынды балаларға арналған республикалық қазақ мамандандырылған музыка мектеп-интернаты» республикалық мемлекеттік мекемесінің директоры лауазымына тағайындалған болатын.
9 қазан 2019
Б. Шүкенов атындағы стипендия иегерлерін құттықтаймыз!
Б. Шүкенов атындағы стипендия иегерлерін құттықтаймыз!
Батырхан Шүкенов атындағы қоғамдық қоры Болат Өтемұратов атындағы қордың қолдауымен 2019-2020 оқу жылына тағайындаған Батырхан Шүкенов атындағы стипендия иегерлерінің аттарын жариялады. Жеңімпаздар қатарында Құрманғазы атындағы Қазақ ұлттық консерваториясы «Үрмелі және ұрмалы аспаптар» кафедрасының студенттері Құралай Мәлімбаева мен Алдияр Шәкенов бар. Қоғамдық қор белгілеген шәкіртақы көлемі жоғары оқу орны тәлімгерлері үшін 500 000 теңгені құрайды. Жеңімпаз студенттерімізді үлгі боларлық жетістіктерімен құттықтап, шығармашылық табыстар тілейміз.

Іріктеу комиссиясы құрамында Батырхан Шүкенов атындағы қоғамдық қордың қамқоршылық кеңесінің төрағасы Бауыржан Шүкенов, Болат Өтемұратов атындағы қордың өкілі Жәмилә Рымжанова, дирижер Қанат Омаров және кларнетші Дамир Бүркітбаевтар бар.
8 қазан 2019
Әріптесімізді жаңа қызметімен құттықтаймыз!
Әріптесімізді жаңа қызметімен құттықтаймыз!
Құрманғазы атындағы Қазақ ұлттық консерваториясы «Халық музыкасы» факультетінің деканы болып қызмет атқарған әріптесіміз, Қазақстан Республикасының еңбек сіңірген қайраткері, дарынды күйші, білікті ұстаз Нүркен Нұрғалиұлы Әшіров А. Жұбанов атындағы дарынды балаларға арналған Республикалық қазақ мамандандырылған музыка мектеп-интернатының директоры болып тағайындалды.
8 қазан 2019