афиша

Консерватория жаңалықтары

«Нұр Отан» партиясы атынан үміткер ретінде Қасым-Жомарт Кемелұлы Тоқаевты ұсынылды
«Нұр Отан» партиясы атынан үміткер ретінде Қасым-Жомарт Кемелұлы Тоқаевты ұсынылды
Бүгін «Нұр Отан» партиясының съезінде партия төрағасы Нұрсұлтан Назарбаев  алдағы президенттік сайлауға партия атынан үміткер ретінде Қасым-Жомарт Кемелұлы Тоқаевты ұсынды. Елбасы саясаткердің осы уақытқа дейінгі ел үшін атқарып келген жұмыстарын жоғары бағалап, үлкен сенім артатындығын мәлімдеді.
Құрманғазы атындағы Қазақ ұлттық консерваториясының ұжымы бұл шешімді қолдайды! Қасым-Жомарт Кемелұлына алдағы сайлауда сәттілік тілейді! Тәуелсіздігіміз баянды, елімізде бейбіт заман болсын!
23 сәуір 2019
«Жаһандағы заманауи Қазақстандық мәдениетті ілгерілету» атты I Халықаралық ғылыми-тәжірибелік конференциясы басталды
«Жаһандағы заманауи Қазақстандық мәдениетті ілгерілету» атты I Халықаралық ғылыми-тәжірибелік конференциясы басталды
Бүгін Талдықорғанда «Жаһандағы заманауи Қазақстандық мәдениетті ілгерілету» атты I Халықаралық ғылыми-тәжірибелік конференциясы басталды. Жиынға еліміздің мәдениет саласында қызмет етіп жүрген жетекші мамандар мен ғалымдар, бірқатар өнер майталмандары және алыс-жақын шетелдерден келген қонақтар қатысуда.
22 сәуір 2019
Құрманғазы атындағы Қазақ ұлттық консерваториясында XI Республикалық студенттік пәндік олимпиада өз мәресіне жетті.
Құрманғазы атындағы Қазақ ұлттық консерваториясында  XI Республикалық студенттік пәндік олимпиада өз мәресіне жетті.
        1-18 сәуір аралығында Қазақстан Республикасы Білім және ғылым министрлігі, Қазақстан Республикасы Тұңғыш Президенті - Елбасы қоры және Құрманғазы атындағы Қазақ ұлттық консерваториясы бірлесіп ұйымдастырған XI Республикалық студенттік пәндік олимпиадасы өз мәресіне жетті.  Тәуелсіз еліміздің болашағы – жастарды қолдау мақсатында ұйымдастырылған шара болашақ мамандардың кәсіби мүмкіндіктерін дамыту, білім алушының оқу танымдық белсенділігін ынталандыру, дарынды білім алушыларды іріктеу және оларға шығармашылық серпін беруді көздеді. Республикамыздың түкпір-түкпірінен жоғарғы оқу орындарының 350-ге жуық студенттері 12 мамандыққа қарасты 16 номинация бойынша сайысқа түсті. Олардың ішінен іріктеліп, 80 нен астам дарынды өнерпаздар лауреат атанды.
       «Жыл сайын дәстүрлі түрде өтетін биылғы өнер мен білім додасының ерекшелігі ҚР Тұңғыш Президенті Н.Ә.Назарбаев жариялаған «Жастар жылы» аясында өтті. Республикалық студенттік пәндік олимпиаданы ұйымдастыруға қолдау білдірген ҚР Тұңғыш Президенті  -  Елбасы қорына алғыс білдіремін. Мұндай іc шаралар келешек ұрпақтың өнерге деген қызығушылығын арттырып, бәсекеге қабілетті ұлт болуға өз септігін тигізеді деп ойлаймын. Өнер сайысы биыл да жоғары деңгейде өтті. Алдағы уақытта да еліміздің дарынды жастарының басын қосатын шарамыздың аясы кеңейіп, жалғасын табады деген үміттемін. Барлық жеңімпаздарды өз атымнан құттықтаймын», - деді өз сөзінде Құрманғазы атындағы ҚҰК ректоры Арман Жүдебаев.

19 сәуір 2019
«Қазіргі заманғы мәдениет жас ғалымдар көзімен» тақырыбында жоғары оқу орны аралық дөңгелек үстел өтті.
«Қазіргі заманғы мәдениет жас ғалымдар көзімен» тақырыбында жоғары оқу орны аралық дөңгелек үстел өтті.
2019 жылдың 19 сәуірінде әлеуметтік-гуманитарлық пәндер кафедрасының бастамасымен магистранттарға арналған «Қазіргі заманғы мәдениет жас ғалымдар көзімен» тақырыбында жоғары оқу орны аралық дөңгелек үстел өтті. Дөңгелек үстелдің негізгі мақсаты – магистранттардың ғылыми-зерттеу және оқу-танымдық белсенділігін арттыру және оларды заманауи ғылыми мәселелерді шешуге ынталандыру. Дөңгелек үстелдің жұмысына Құрманғазы атындағы ҚҰК магистранттарымен қатар Әл-Фараби ат. ҚазҰУ, Абай ат. ҚазҰПУ, Абылай хан ат. ҚазХҚжӘТУ, Т.К.Жүргенев ат. ҚазҰӨА магистранттары қатысты. Олар еркін түрде ғылыми-тәжірибелік сипаттағы ақпаратпен алмасты     және біздің қазіргі заманғы мәдениетіміздің маңызды мәселелерін талқылады. Дөңгелек үстелге қатысушылар болашақта осындай кездесулер дәстүрге айналады деп үміттенеді.
22 сәуір 2019
Жас режиссёрлер мен композиторлардың шығармашылық кездесуі өтті
Жас режиссёрлер мен композиторлардың шығармашылық кездесуі өтті
2019 жылғы 18 сәуірде Құрманғазы атындағы Қазақ ұлттық консерваториясының конференц-залында жас режиссёрлер мен композиторлардың шығармашылық кездесуі өтті. Іс-шараның құрметті қонағы белгілі режиссёр, сценарист, ҚР Кинематографистер одағының мүшесі Айтуаров Аманжол Толықбайұлы болды. Шығармашылық кездесудің шеңберінде Т.Жүргенов атындағы Қазақ ұлттық өнер академиясы студенттерінің фильмдері көрсетілді, студент-композиторлардың туындыларының презентациясы жасалды, сондай-ақ киномузыка мәселелері бойынша пікірсайыс өткізілді.
Кездесуді ұйымдастырушы – музыкатану және композиция кафедрасының аға оқытушысы Данара Мұсахан.

19 сәуір 2019
Күләш Байсейітованың өмірі мен шығармашылығына арналған «Шығыстың бұлбұлы» атты театрландырылған қойылымы өтті
Күләш Байсейітованың өмірі мен шығармашылығына арналған «Шығыстың бұлбұлы» атты театрландырылған қойылымы өтті
Бүгін Құрманғазы атындағы Қазақ ұлттық консерваториясының үлкен концерттік залында студенттік театрдың қатысуымен КСРО Халық артисі Күләш Байсейітованың өмірі мен шығармашылығына арналған «Шығыстың бұлбұлы» атты театрландырылған қойылымы өтті. Іс-шара әйгілі әншінің 19-сәуір күнгі туған күніне орай ұйымдастырылды.
17 сәуір 2019
Дәстүрлі өнер саңлағы бақиға аттанды
Дәстүрлі өнер саңлағы бақиға аттанды
Дәстүрлі өнер саңлағы бақиға аттанды. Қазақтың дәстүрлі музыкасын зерттеп, оны насихаттауға бар өмірін арнаған, бұл жұмысты ыждаһаттылықпен орындап, көп еңбек сіңірген тұлға, домбырашы-күйші, музыка зерттеушісі, Қазақстанның еңбегі сіңген қайраткері Жарқын Жақияұлы Шәкәрім ағамыздың иманы саламат болып, жатқан жері жаннаттан болсын. Құрманғазы атындағы Қазақ ұлттық консерваториясының ұжымы марқұмның  отбасына, бауырларына, туған-туыстарына қайғыра көңіл айтады!
16 сәуір 2019
Астрахань қаласында ҚР ЖОО жәрмеңкесі өтті
Астрахань қаласында ҚР ЖОО жәрмеңкесі өтті
Астрахань қаласында өтіп жатқан Қазақстан Республикасының Жоғары оқу орындарының жәрмеңкесінде Құрманғазы атындағы Қазақ ұлттық консерваториясының атынан Ержан Жәмеңкеев қатысып, консерваторияның оқу бағдарламасымен, бүгінгі жетістіктерімен таныстырып, шеберлік сабақтарын өткізді.
«Қазақ бауырларымыз, студенттер және музыкаға қызыққан өзге ұлт өкілдері ректорымыз Арман Жүдебаевқа ризашылығын білдіріп жатыр. Өйткені, мұндай мүмкіндік бола бермейді және көзбен көріп, құлақпен естігенге не жетсін?! Жәрмеңкеден бөлек Астраханьдағы домбырашылардың ұясы - Астрахань музыкалық колледжінің директоры Смиховская Алла Васильевнамен кездестім. Студенттерді консерваторияға бағыттау жолдары мен бағдарламасын түсіндіріп, өздерінің оқу барысындағы емтихан талаптарына біздің оқыту жүйесінен біраз ұсыныстар алды. Сонымен қатар қаланың дәл ортасында орналасқан Құрманғазы ескерткішіне де тағзым етіп шықтық. Консерваторияға келуші жастар саны баршылық екен. Бәріне сәттілік тілеймін»  деді өз сөзінде ҚҰК оқытушысы Ержан Жәмеңкеев.

16 сәуір 2019
Ташкентте Өзбекстандағы Қазақстан жылының ашылу салтанаты өтеді
Ташкентте Өзбекстандағы Қазақстан жылының ашылу салтанаты өтеді
Бүгін Ташкентте мемлекеттік сапармен келген Қазақстан президенті Қасым-Жомарт Тоқаев пен Өзбекстан Президенті Шавкат Мирзиёев жеке және кеңейтілген құрамда кездесулер өткізбек. Сондай-ақ екі ел басшысы Өзбекстандағы Қазақстан жылының ашылу салтанатына да қатысады.
Мемлекет басшысы қатысатын салтанатты жиында Құрманғазы атындағы Қазақ ұлттық консерваториясының ректоры Арман Жүдебаев бастаған консерватория студенттері өнер көрсетпек.
15 сәуір 2019