афиша

Консерватория жаңалықтары

Құрманғазы атындағы ҚҰК студенттері Алматы қаласының метрополитенінде флешмоб ұйымдастырды.
Құрманғазы атындағы ҚҰК студенттері Алматы қаласының метрополитенінде флешмоб ұйымдастырды.
Бүгін Құрманғазы атындағы Қазақ ұлттық консерваториясының студенттері  Алматы қаласының метрополитенінде Наурыз мейрамына арналған «Дәстүрлі музыка шашуы» атты музыкалық флешмоб акциясын ұйымдастырды.
Музыкалық флешмобтың мақсаты – қазақ халқының музыкалық мұрасын дәріптеу, тыңдаушылардың бойында өз елінің музыкалық мәдениетіне деген  мақтаныш сезімін қалыптастыру, жас орындаушылардың шығармашылық әс-әрекетін дамыту.

Шараға 40-тан астам студент қатысып, мұндай шара алдағы уақытта өткізіліп тұрса деген ниеттерін білдірді.


19 наурыз 2019
Нұр-Сұлтан қаласында консерватория студенттері жоғарғы деңгейде өнер көрсетті
Нұр-Сұлтан қаласында консерватория студенттері жоғарғы деңгейде өнер көрсетті
Ағымдағы жылдың 27 наурызбен 31 наурыз аралығында Нұр-Сұлтан қаласындағы Қазақ ұлттық өнер университетінде V Халықаралық EURASIA PIANO FORUM байқауы өтті..
Байқауға Құрманғазы атындағы Қазақ ұлттық консерваториясының «Фортепиано» кафедрасының студенттері қатысып, жоғарғы дәрежеде өнер көрсетті.
Консерватория студенттері өнер сайысына  «Фортепианода жеке орындаушылық» және «Ансамбльдік орындаушылық» номинациясы бойынша баптары мен бақтарын сынады. Биылғы жылы байқау ҚР Тұңғыш президенті жариялаған «Жастар жылы» аясында өткен.
«Дәстүрлі жарыстың мақсаты – «Міндетті фортепиано» пәнінің төңірегінде фортепианолық орындаушылықпен айналысатын барлық мамандықтағы оқушылар мен студенттердің фортепианода ойнау дайындығының деңгейін анықтау, әр түрлі мамандықтағы жас музыканттарды фортепианолық орындаушылыққа ынталандыру және жастардың қызығушылығын арттыру», – деп атап өтті байқау ұйымдастырушылары.
«Ансамбльдік орындаушылық»  номинациясы бойынша Абдуахап Қымбат пен Құсайынова Салтанат 1-ші орынға ие болды. «Фортепианода жеке орындаушылық» номинациясы бойынша келесі студенттер марапатталды:
3-ші орын иегерлері - Өскенбай Тоғжан, Жаксылыққызы Ару, Сатова Айым, Кәрімқұлова Перизат, Ерман Әсел, Айдын Рания, Қабдуалиев Дәулет.
2-ші орын иегері - Елубаева Дана.
1-ші орын иегерлері - Қайыпова Роза, Артықбаев Нұрбол, Рахымбет Фариза, Төлеутай Баянды
V Халықаралық EURASIA PIANO FORUM байқауының Бас жүлде иегері - Рахымжан Нұрлыхан атанды. Барлық жеңімпаздарды шын жүректен құттықтаймыз!
3 сәуір 2019
IV Халықаралық камералық музыка фестивалінің ашылуына орай концерт өтті.
IV Халықаралық камералық музыка фестивалінің ашылуына орай концерт өтті.

Ағымдағы жылдың 1 сәуірінде Құрманғазы атындағы Қазақ ұлттық консерваториясында IV Халықаралық камералық музыка фестивалінің ашылуына орай концерт өтті.

2 сәуір 2019
XI Республикалық студенттік пәндік олимпиадасының ашылу салтанаты өтті
XI Республикалық студенттік пәндік олимпиадасының ашылу салтанаты өтті
Бүгін Қазақстан Республикасы Білім және ғылым министрлігі, Қазақстан Республикасы Тұңғыш Президенті – Елбасының қоры және Құрманғазы атындағы Қазақ ұлттық консерваториясы бірлесіп ұйымдастырып отырған XI Республикалық студенттік пәндік олимпиадасы өз жұмысын бастады! Консерваторияның үлкен концерттік залында олимпиаданың салтанатты түрде ашылуы өтті. Салтанатты жиынды консерватория ректоры Арман Жүдебаев  ашып берді. 
1 сәуір 2019
Құрманғазы атындағы Қазақ ұлттық консерваториясында Рахат-Би Абдысагин қонақта болды
Құрманғазы атындағы Қазақ ұлттық консерваториясында Рахат-Би Абдысагин қонақта болды

Бүгін Құрманғазы атындағы Қазақ ұлттық консерваториясында Рахат-Би Абдысагин қонақта болып, консерватория студенттеріне шеберлік-сыныбын өткізді.

Рахат-Би – ең жас «Дарын» сыйлығының лауреаты, Қазақстанның Мәдениет қайраткері, ТМД Парламентаралық ассамблеясының «Мәдениет пен өнерге қосқан үлесі үшін» құрмет белгісінің иегері және «Қазақстанның 100 жаңа есім» Ұлттық жобасының жеңімпазы.

29 наурыз 2019
Құрманғазы атындағы Қазақ ұлттық консерваториясында Ұлыстың ұлы күні – Наурыз мейрамы кеңінен аталып өтті.
Құрманғазы атындағы Қазақ ұлттық консерваториясында Ұлыстың ұлы күні – Наурыз мейрамы кеңінен аталып өтті.
Бүгін Құрманғазы атындағы Қазақ ұлттық консерваториясында Наурыз мейрамына арналған «Ұлы күн – Наурыз!» атты мерекелік жиын салтанатты түрде кеңінен аталып өтті. Шараға Алматы қаласындағы бірқатар оқу орындары мен мәдени мекемелердің басшылары және өнер қайраткерлері қатысты. Құттықтау сөзді ҚР халық артисі Нұрғали Нүсіпжанов пен ҚР халық артисі, әнші-композитор Алтынбек Қоразбаев ағаларымыз бастап, ұжым басшысы Арман Жүдебаев келген қонақтарға және мерекеге қатысушы ұзтаздар қауымы мен студенттерге, жиналған көпшілікке өз лебізін білдірді. Мерекелік шараға келген қонақтар ішінде М.Әуезов атындағы Қазақ мемлекеттік академиялық драма театрының директоры Сәбит Әбдіхалықов, С.Асфендияров атындағы ҚазҰМУ ректоры Талғат Нұрғожин, Т.Жүргенов атындағы ҚазҰӨА ректоры Асхат Маемиров, Құрманғазы атындағы Қазақ мемлекеттік академиялық халық аспаптар оркестрінің директоры Нұрғиса Дәуешов, Абай атындағы ҚазҰПУ ректоры Тахир Балықбаев, ҚазҰАУ ректоры Тілектес Есполов, Ж. Елебеков атындағы РЭЦК директоры Мырзахан Қадыров, П.Чайковский атындағы АМК директоры Біржан Хасанғалиев және басқалары да бар. Балалар үйінен шақырылған бірнеше бүлдіршінге қайырымдылық ниетте арнайы сый-сияпаттар жасалды. Қасиетті Қыдыр атаның батасымен басталған концерттік бағдарламада консерватория студенттерінің қатысуымен қазақтың қыз ұзату, беташар, бесікке салу, тұсаукесер сияқты салт-дәстүрлері қойылым түрінде көрсетілді. Ұлттық ойын арқантартыстан кафедрааралық жарыс ұйымдастырылып, жеңімпаздарға дипломдар табысталды. Қазақтың ұлттық тағамдары қойылған мерекелік дастарханға арнайы дайындалған наурыз көже мен палау да тартылды. Жиналған көпшілік шараны ұйымдастырушыларға ризалық көңілмен алғыстарын жаудырды.
29 наурыз 2019
Жеңімпаз студентімізді құттықтаймыз!
Жеңімпаз  студентімізді құттықтаймыз!
2019 жылдың 8-16 наурыз аралығында Татарстан Республикасы Қазан қаласында өткен «SFORZANDO», «ЗОЛОТАЯ ЛИРА» және С. Сайдашев атындағы халықаралық фестивальдар мен байқауларда екі мәрте лауреат атанып (І орындар) және бірінде дипломға ие  болған  халық музыкасы факультеті «Домбыра» кафедрасының 2 курс студенті Тигай Кристинаны жеңісімен шын жүректен құттықтаймыз!

Ұстазы профессор Ерсайын Басықара

28 наурыз 2019
Құрманғазы атындағы Қазақ ұлттық консерваториясының ректоры Жүдебаев Арман және ректор кеңесшісі Скаков Ермек Краковтағы Музыка Академиясында іссапарда болып қайтты.
Құрманғазы атындағы Қазақ ұлттық консерваториясының ректоры Жүдебаев Арман  және ректор кеңесшісі Скаков Ермек Краковтағы Музыка Академиясында  іссапарда болып қайтты.
2019 ж. 11-16 наурыз аралығында Құрманғазы атындағы Қазақ ұлттық консерваториясының ректоры Жудебаев А. А. және ректор кеңесшісі Скаков Е.Ж. Краковтағы Музыка Академиясында  (Краков қ., Польша) іссапарда болып қайтты.
      Аталмыш іссапар "Эразмус +" бағдарламасы аясында жүзеге асырылды.  Іссапар барысында ректор Құрманғазы атындағы Қазақ ұлттық консерваториясы тарихы туралы таныстырылым жасап, Қазақстан композиторларының академиялық музыкасындағы халық музыкалық шығармашылығының ықпалы тақырыбында дәріс оқыды. Сондай-ақ, дирижерлеу мастер-класстары мен Академия студенттерінің  дәрістеріне  қатысты.
      Краков қаласындағы іссапар барысында  ректор және ректор кеңесшісі  академия басшылығымен кездесіп, Консерваторияның студенттері мен оқытушыларының академиялық оралымдылық бойынша түрлі бағдарламаларға қатысу мүмкіндігі туралы, сондай-ақ екі жоғары оқу орындарының арасындағы тәжірибе алмасу мәселелерін талқылады.
19 наурыз 2019
Құрманғазы атындағы ҚҰК проректоры «Эразмус +» бағдарламасы бойынша Испанияның Виго қаласындағы консерваторияда болып қайтты.
Құрманғазы атындағы ҚҰК проректоры «Эразмус +» бағдарламасы бойынша Испанияның Виго қаласындағы консерваторияда болып қайтты.
2019 жылдың 4-10 ақпан аралығында Құрманғазы атындағы Қазақ ұлттық консерваториясының ғылыми жұмыс және халықаралық ынтымақтастық жөніндегі проректоры, өнертану кандидаты, музыкатану және композиция кафедрасының доценті Бегембетова Ғ.З. «Эразмус +» бағдарламасы бойынша Испанияның Виго қаласы консерваториясында болып қайтты.
Іссапар барысында Қазақ ұлттық консерваториясының тарихы жөнінде, қазақ опера өнерінің қалыптасуы және дамуы туралы лекциялар оқып, шеберлік-сыныптарына қатысты.
Сондай-ақ Виго консерваториясы басшылығымен және  «Эразмус+» жобасының кураторымен біздің студенттер мен оқытушылардың әртүрлі академиялық ұтқырлық бағдарламалары мен оқу орындары арасындағы өзара алмасу  жұмыстары жайында келіссөздер жүргізді.

12 ақпан 2019